Colors: Cyan Color

அல்லம்பட்டியில் குடும்பத்தகராறு காரணமாக 3 வயது மகனுடன் ரயிலில் பாய்ந்து இளம்பெண் தற்கொலை செய்துகொண்டார்...கணவர் கனகராஜிடம் போலீசார் விசாரணை.
விருதுநகர் பாரதி நகரை சேர்ந்த கனகராஜ் - தனலட்சுமி (24) தம்பதியினருக்கு கடந்த இரண்டு வாரகாலமாக அடிக்கடி குடும்ப பிரச்னை ஏற்பட்டு வந்துள்ளது. கடந்த மூன்று நாட்களாக கணவர் கனகராஜ் வீட்டிற்கு வராத நிலையில் மனஉளைச்சல் காரணமாக மனைவி தனலட்சுமி தனது 3 வயது மகன் ஹர்ஷனுடன் அல்லம்பட்டி ரயில்வே தண்டவாளத்தில் மதுரையிலிருந்து செங்கோட்டை நோக்கி சென்றுகொண்டிருந்த பயணிகள் ரயிலில் பாய்ந்து தற்கொலை செய்துகொண்டார். இதில் தனலட்சுமி மற்றும் அவரது 3 வயது மகன் உடல் சிதைந்து சம்பவ இடத்திலேயே பரிதாபமாக உயிரிழந்தனர். இதனையடுத்து சம்பவ இடத்திற்கு வந்த ரயில்வே காவல்துறையினர் தற்கொலை செய்துகொண்ட இருவரின் உடலை மீட்டு கணவர் கனகராஜிடம் விசாரணை நடத்தி வருகின்றனர். குடும்ப தகராறு காரணமாக இளம்பெண் 3 வயது குழைந்தையுடன் ரயிலில் பாய்ந்து தற்கொலை செய்து கொண்ட நிகழ்வு அப்பகுதி மக்களிடையே சோகத்தை ஏற்படுத்தியுள்ளது.

விருதுநகர் அல்லம்பட்டியில் பெற்றோர் திருமணம் நடத்தி வைக்காததால் மனம் உடைந்து ரயில்முன் பாய்ந்து இளைஞர் தற்கொலை. காவல்துறையினர் விசாரணை.
விருதுநகர் அருகே அல்லம்பட்டி ஆத்துமேடு பகுதியை சேர்ந்த ராமசாமி என்பவரது மகன் ஆறுமுகம் (வயது 27). இவர் எண்ணெய் டின் தயாரிக்கும் நிறுவனத்தில் பணிபுரிந்து வரும் நிலையில் போதைப் பழக்கத்திற்கு அடிமையாகி தினசரி மது அருந்திவந்த நிலையில் தனக்கு திருமணம் செய்து வைக்க பெற்றோரிடம் நீண்ட நாட்களாக வலியுறுத்தி வந்துள்ளார். மது பழக்கத்திற்கு அடிமையானதால் திருமண ஏற்பட்டு செய்ய பெற்றோர் மறுத்து வந்த நிலையில் மனம் உடைந்த ஆறுமுகம் இன்று (12.2.18) காலை மது போதையில் அல்லம்ப்பட்டி ரயில்வே தண்டவாள பகுதியில் ரயில் முன் பாய்ந்து தற்கொலை செய்துகொண்டார். உடலை மீட்டுள்ள ரயில்வே காவல்துறையினர் பெற்றோர்களிடம் தொடர்ந்து விசரணை நடத்தி வருகின்றனர்.

Page 2 of 2

Latest News